Tsegmee's Space

...Ингээд эдгээр баримт нотолгоо дээр үндэслээд 10 сарын 21-нд буюу өнгөрсөн 2 дахь өдөр 1000 гаран холбооны болон цагдаагийн бие бүрэлдэхүүн оролцсон, California, Nevada, Oregon, Colorado, Washington, Ohio зэрэг мужуудыг хамарсан асар өргөн хүрээтэй баривчилгаа явуулж "MONGOLS" gang-ын 61 гишүүдийг баривчилж мотоциклийг нь хурааж авсан байна...

Та бүхэндээ 2006 онд шуугиан тарьсан бүтээлүүдийн нэг болох "Нууц" хэмээх баримтат киног дахин толилуулж байна. Дахин толилуулах болсон шалтгаан гэвэл урьд оруулсан байсан бичлэгүүд маань бүгд устсан болтой. Харин сая интернэтээр тэнэж яваад дахин нэг шинэ эх үүсвэрээс энэхүү киноны бүрэн бичлэгийг олж авлаа.

Өнөөдөр та бүхэндээ Дэлхийн номер нэг DJ Tiesto-гийн намтар уран бүтээлийн талаар товч өгүүлэх гэсэн юм. Энэ залуу маань 1969 оны 1 сарын 17нд Недерландын Бреда хотод төрсөн, trance, electronic dance урсгалаар уран бүтээлээ туурвидаг юм. Түүний алдар хүнд 2000 оноос эхэлсэн бөгөөд ямар нэгэн хамтрагч DJ гүйгээр ганцаарчилсан тоглолт хийснээрээ анхдагч болж чадсан юм. Мөн ДЖ нарын түүхэнд анх удаа Олимпын тоглолтын (Афин 2004) нээлтэнд тоглосноороо транс хөгжмийн урсгалыг дэлхийн тавцанд гаргасан үйл явдал байлаа. Tiesto нь дэлхийн хэмжээний маш олон төрлийн шагнал авч байсан бөгөөд зах зухаас нь дурдвал Elements of life цомгоороо 2008 оны Grammy-д нэр дэвшсэн, DJ Magazine-аас тодорхойлдог "World’s No.1 DJ" өргөмжлөлийг 3 жил дарааллан (2002-2004 он) хүртсэн, Дэлхийн хэмжээний DJ нар дотроос хамгийн нэр хүндтэй нь бөгөөд бие даасан тоглолтон дээр нь 25000 хүн цугларч байснаараа бас л рекордыг эвдсэн юм. Энэ бичлэгийнхээ хажуугаар 2007 онд болсон Elements of Life Tour тоглолтыг бүрэн эхээр нь хавсаргалаа. За тэгээд энэ уран бүтээлчийн талаар дэлгэрэнгүй мэдээлэл авахыг хүсвэл албан есны вэб сайт болох tiesto.com руу ороорой.

Блогдоо нэг салхи оруулахгүй бол болохоо байлаа та минь ээ.Үнэнийг өчихөд би гэдэг хүн ойрдоо амин хувийнхаа ажилд анхаарлаа илүү хандуулаад хөөрхий муу блогоо хатавч хавьцаа зогсоочоод шоовдорлоод яваад байсан лүд байншт. Эвий минь, Өөлхий минь гэж (гальт эрхлүүлэв). Өдрийн сайныг өнжин хүлээж, сарын сайныг саатан хүлээж, (хүлээсэн гэжхудлаа яриад юкэв зүгээр) өлзий ерөөл тэгширсэн энэ сайхан өдөр блог чинийхээ магнайг тэнийлгэхээр доорх хэдэн бичлэгээр өргөл барин мэндчилэв гэж. (дольдгинов) Өчигдөр нэгэн буянт андын (Myshoobox) ачаар урьд хожид үзээгүй нэлээд хэдэн шог хошин нэвтрүүлэг үзэж хэсэгхэн хугацаанд ч гэсэн алжаал юугаан тайлж инээд хөөрөөр бялхав би. Тэгээд хөөр баяслаа ганцаар хүртээд юкэв та ч гэсэн инээхэд илүүдэхгүй гэж бодоод таалагдсан хэдэн хошин видеог түүвэрлэн инээдэн цэнхэр хадаг барьмой.

Хүн болгон биедээ түрийвч гэх янз бүрийн загвар хийцтэй бяцхан хавтас, уут, сав авч явдаг билээ. Харин хэний түрийвчэнд юу байдгийг бид тэр болгон мэдэх боломжгүй юм. Бидний өдөр тутам хэрэглэдэг хэт энгийн юм шиг зүйл боловч дотор нь их олон төрлийн учир жанцантай зүйлс багтаж байх шиг. Ингээд өнөөдөр та бүхэндээ өөрийн хэтэвчээ нээж ямар эд зүйлс дотор нь явдгыг сонирхуулахаар зурган, тайлбартай бичлэгийг оруулж байна. Уг нь яг жинхэнээр зургийг нь аваад тавих боломж байсан боловч цаг заваас шалтгаалаад мөн зарим нэг хувийн мэдээллээ ил гаргах боломжгүй байсан учир жишээ зурагнууд тавьлаа. Та бүхэн маань ойлгох байх гэж найдаж байна. Миний хэтэвчинд: